ജബൽഅലി ക്ഷേത്രം ഉദ്ഘാടനം അടുത്തയാഴ്ച
September 28, 2022
ദുബായ് ജബൽ അലിയിൽ നിർമിച്ച പുതിയ ഹിന്ദു ക്ഷേത്രം ഒക്ടോബർ നാലിന് വൈകീട്ട് അഞ്ച് മണിക്ക് ഉദ്ഘാടനം ചെയ്യും.യു.എ.ഇ. സഹിഷ്ണുതാ സഹവർത്തിത്വ മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ സംബന്ധിക്കും.ഇന്ത്യൻ സ്ഥാനപതി സഞ്ജയ് സുധീർ മുഖ്യാതിഥിയാകും.ക്ഷേത്ര ട്രസ്റ്റി രാജു ഷ്റോഫ് പങ്കെടുക്കും. ക്ഷേത്രനിർമാണത്തിന്റെ മൂന്ന് വർഷത്തെ നാൾവഴികൾ ഉദ്ഘാടനച്ചടങ്ങിൽ അനാവരണം ചെയ്യും.ഈ മാസം ആദ്യം ക്ഷേത്രം വിശ്വാസികൾക്ക് സന്ദർശനത്തിന് തുറന്നുകൊടുത്തിരുന്നു.ക്ഷേത്ര നിര്മാണത്തിന്റെ മൂന്നുവര്ഷത്തെ നാള്വഴികള് ഉദ്ഘാടന ചടങ്ങില് അനാവരണം ചെയ്യും.ഈ മാസം ആദ്യം മുതല് ക്ഷേത്രം വിശ്വാസികള്ക്ക് സന്ദര്ശനത്തിന് തുറന്നുകൊടുത്തിരുന്നു. ഓൺലൈൻ ബുക്കിങ് അനുസരിച്ചാണ് ഇവിടേക്ക് പ്രവേശനം അനുവദിക്കുന്നത്. എല്ലാവർക്കും പ്രവേശനം അനുവദിക്കുന്ന ക്ഷേത്രത്തിൽ 16 ആരാധനാമൂർത്തികളുടെ പ്രതിഷ്ഠകളാണുള്ളത്. ദുബൈയിലെ ബർദുബൈയിൽ 1958 മുതൽ ഹിന്ദു ക്ഷേത്രം നിലവിലുണ്ട്. വിശേഷ ദിവസങ്ങളിൽ ഇവിടത്തെ വർധിച്ച തിരക്കുകൂടി കണക്കിലെടുത്താണ് പുതിയ ക്ഷേത്രം നിർമിച്ചത്. ഒമ്പതുദിവസം പ്രത്യേക പ്രാർഥനകൾ നടത്തിയ ശേഷമാണ് ഇവിടെ പ്രതിഷ്ഠാകർമം പൂർത്തിയായത്. ആഗസ്റ്റ് അവസാനത്തോടെ, സിഖുകാരുടെ വിശുദ്ധ ഗ്രന്ഥമായ ഗുരു ഗ്രന്ഥ സാഹിബും സ്ഥാപിച്ചിട്ടുണ്ട്.ത്രീഡി പ്രിന്റ് ചെയ്ത വലിയ താമര ചിത്രമുള്ള പ്രധാന പ്രാർഥന ഹാളിലാണ് ഭൂരിഭാഗം പ്രതിഷ്ഠകളും സ്ഥാപിച്ചിരിക്കുന്നത്.
No Comments
Leave a Comment