ഹജ്ജ് കർമ്മങ്ങൾക്ക് ഒരുങ്ങി തീർത്ഥാടകർ
July 4, 2022
വിശുദ്ധ ഹജ്ജ് കർമ്മങ്ങൾക്കായി തീർത്ഥാടകർ ഒരുങ്ങി .ലോകത്തിന്റെ വിവിധ ഭാഗങ്ങളിൽനിന്നുള്ള 369,165 ലക്ഷം തീർഥാടകർ മദീനയിൽ എത്തിയതായി ഹജ്, ഉംറ മന്ത്രാലയം അറിയിച്ചു.ഹജ് കർമത്തിനായി മലയാളികൾ ഉൾപ്പെടെ ഇന്ത്യയിൽനിന്നുള്ള മുഴുവൻ തീർഥാടകരും സൗദി അറേബ്യയിൽ എത്തി. ഈ വർഷം 79,237 പേർക്കാണ് ഹജിന് അനുമതിയുള്ളത്. ഇതിൽ 56,637 പേർ ഹജ് കമ്മിറ്റി വഴിയും 22,600 പേർ സ്വകാര്യ ഹജ് ഗ്രൂപ്പ് വഴിയുമാണ് എത്തിയത്.കേന്ദ്ര ഹജ് കമ്മിറ്റി മുഖേന 5758 മലയാളികളും ഇവരിൽ ഉൾപ്പെടും. മദീനയിൽ ആശുപത്രിയിൽ കഴിയുന്ന 5 പേരൊഴികെ മറ്റെല്ലാവരും മക്കയിൽ എത്തിയിരുന്നു. ഇവരെ ഹജിനു മുൻപ് മക്കയിൽ എത്തിക്കും. ഹജിനു ദിവസങ്ങൾ മാത്രം ബാക്കിനിൽക്കെ തീർഥാടകർ ചരിത്രപ്രസിദ്ധ സ്ഥലങ്ങൾ സന്ദർശിക്കുന്നത് നിർത്തലാക്കി അസീസിയയിലെ താമസ സ്ഥലത്ത് വിശ്രമിക്കുകയാണ്. ഹറം പള്ളിയിൽ പ്രാർഥനയ്ക്കു മാത്രമാണ് ഇവർ പോകുന്നത്. കോവിഡ് നിയന്ത്രണം മൂലം കഴിഞ്ഞ 2 വർഷം രാജ്യാന്തര തീർഥാടകർക്ക് ഹജിന് അനുമതിയുണ്ടായിരുന്നില്ല. ഇത്തവണ 8.5 ലക്ഷം രാജ്യാന്തര തീർഥാടകർ ഉൾപ്പെടെ 10 ലക്ഷം പേർ ഹജ് നിർവഹിക്കും. തീർഥാടകരുടെ ആരോഗ്യ സുരക്ഷ കണക്കിലെടുത്ത് ലോകോത്തര നിലവാരമുള്ള സംവിധാനങ്ങളാണ് ഏർപ്പെടുത്തിയിരിക്കുന്നത്.
No Comments
Leave a Comment
