ഷാർജ വിമാനത്താവളത്തിൽ ആറുമാസം 60 ലക്ഷം യാത്രക്കാർ
July 26, 2022
ഷാർജ വിമാനത്താവളത്തിലൂടെ ഈ വർഷം ആദ്യ ആറു മാസങ്ങളിൽ 60 ലക്ഷം യാത്രക്കാർ കടന്നുപോയി.കഴിഞ്ഞ വർഷത്തെ ഇതേ കാലയള വിനേക്കാൾ 142 ശതമാനം വർധനാവാണിതെന്നും യാത്രക്കാർക്ക് വിമാന ത്താവളത്തിലെ സേവനങ്ങളിലും സഹായങ്ങളിലും വിശ്വാസ്യത വർധിച്ച താണിത് തെളിയിക്കുന്നതെന്നും അധികൃതർ പറഞ്ഞു. എയർപോർട്ടിൽ നിന്ന് ഇക്കാലയളവിൽ 41,000 വിമാനങ്ങൾ പറന്നുയർന്നിട്ടുണ്ട്. കഴിഞ്ഞ വർഷം 21,000 വിമാസ സർവിസുകളാണ് നടന്നിരുന്നത്. 89 ശതമാനം വർധനവാണ് ഇക്കാര്യത്തിലുണ്ടായത്.സമാനമായി കയറ്റിയയച്ച കാർഗോയുടെ അളവിലും വലിയ വർധനവുണ്ടായിട്ടുണ്ട്. ജനുവരിക്കും ജൂണിനുമിടയിലായി 96,000 ടൺ കാർഗോയാണ് കയറ്റിയയച്ചത്. 50 ശതമാനം വർധനവാണ് ഇക്കാര്യത്തിൽ രേഖപ്പെടുത്തിയത്. ബിസിനസിനും യാത്രക്കും യോജിച്ച സ്ഥലമെന്ന നിലയിൽ ഷാർജ കൂടുതൽ കരുത്താർജിക്കുന്നതായാണ് വിമാനത്താവളത്തിലെ യാത്രക്കാരുടെ എണ്ണം വർധിച്ചത് വ്യക്തമാക്കുന്നതെന്ന് എയർപോർട്ട് അതോറിറ്റി ചെയർമാൻ അലി സലീം അൽ മിദ്ഫ പറഞ്ഞു.
No Comments
Leave a Comment
