യു എ ഇയിൽ മഴ ശനിയാഴ്ച വരെ തുടരും
July 28, 2022
യുഎഇയുടെ കിഴക്കൻ മേഖലയിൽ കഴിഞ്ഞദിവസം പെയ്ത കനത്ത മഴയെ തുടർന്നു ഫുജൈറയിൽ പ്രളയസമാനമായ അന്തരീക്ഷം. ഖോർഫക്കാൻ, ഫുജൈറ വാദി സഹം, റാസൽഖൈമ വാദി മംദൂഹ് എന്നിവിടങ്ങളിൽ റോഡുകളിലടക്കം വലിയ വെള്ളക്കെട്ടുകൾ രൂപപ്പെട്ടു. റോഡുകൾ നിറഞ്ഞു കവിഞ്ഞു. വീടുകൾക്കുള്ളിൽ വെള്ളം കയറുകയും കേടുപാടുകൾ സംഭവിക്കുകയും ചെയ്തു. റോഡുകളിലടക്കം രൂപപ്പെട്ട വെള്ളം ഒഴിവാക്കാനുള്ള ശ്രമം തുടരുകയാണ്.വാഹനങ്ങൾ ഒലിച്ചു പോയിരുന്നു . വെളളപ്പൊക്കത്തിൽ കുടുങ്ങിപ്പോയവരെ യുഎഇ സൈന്യമെത്തി മറ്റു സുരക്ഷിത സ്ഥലങ്ങളിലേക്കു മാറ്റുകയാണ് ഉണ്ടായത് . വീടിനുളളിൽ അകപ്പെട്ടവർ സ്ഥിതി ഗതികൾ ശാന്തമാകുന്നതുവരെ അവിടെ നിന്നു പുറത്തിറ ങ്ങരുതെന്നു ഫുജൈറ പൊലീസ് ജനറൽ ആവശ്യപ്പെട്ടു .ഫുജൈറയെയും യുഎഇയിലെ കിഴക്കൻ മേഖലകളെയും സഹായിക്കാൻ സമീപ എമിറേറ്റുകളിൽ നിന്നുരക്ഷാപ്രവർത്ത കർ എത്തിച്ചേരണമെന്ന് യുഎഇ വൈസ്പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആഹ്വാനം ചെയ്തു. പൊലീസും പ്രതിരോധ വകുപ്പുമായി ചേർന്ന് നിലവിലെ സ്ഥിതി പരിഹരിക്കാൻ പ്രവർത്തിക്കുകയാണെന്ന് ആഭ്യന്തര മന്ത്രാലയം വ്യക്തമാക്കി. അധികൃതരുടെ ഭാഗത്തുനിന്നുളള നിർദേശങ്ങൾ കർശനമായി പാലിക്കാൻ പൊതു ജനങ്ങളോട് ആവശ്യപ്പെട്ടു.
No Comments
Leave a Comment