ബി കെയർഫു ബോധവത്കരണ പരിപാടിയുമായി അബൂദബി പൊലീസ്
January 24, 2023
സൈബർ തട്ടിപ്പ് വ്യാപകമായ സാഹചര്യത്തിൽ ‘ബി കെയർഫുൾ’ എന്ന പേരിൽ ബോധവത്കരണ പരിപാടിയുമായി അബൂദബി പൊലീസ് രംഗത്ത് . വ്യാജ സന്ദേശങ്ങളോ പണമോ മറ്റ് സമ്മാനങ്ങളോ ഓഫർ ചെയ്ത ഫോൺ വിളികളോ ഇ-മെയിലോ ലഭിച്ചാൽ അനുകൂലമായി പ്രതികരിക്കുകയും അവർ ആവശ്യപ്പെടുന്ന വിവരങ്ങൾ അപ്പപ്പോൾ നൽകുകയും ചെയ്യുന്നതാണ് തട്ടിപ്പുകൾക്ക് ഇരയാവുന്നതിന്‍റെ മുഖ്യകാരണമെന്ന് പൊലീസ് ഓർമിപ്പിച്ചു.ബാങ്ക് വിവരങ്ങൾ ചോർത്തിയും ഫോൺ കെണിയിൽ കുടുക്കിയും പണം തട്ടുന്നതും ശ്രദ്ധയിൽപ്പെട്ടിട്ടുണ്ട് . സ്മാർട്ട് ഫോണുകൾ ഹാക്ക് ചെയ്ത് സ്വകാര്യ വിവരങ്ങൾ ചോർത്തിയശേഷം ഭീഷണിപ്പെടുത്തി പണം തട്ടുന്ന സംഘവും സജീവമാണ് . സ്വകാര്യ ചിത്രങ്ങളും വിഡിയോകളും ഫോണിലും ലാപ്ടോപ്പിലും മറ്റും ഒരു സുരക്ഷയുമില്ലാതെ സൂക്ഷിക്കരുതെന്നും അബൂദബി പൊലീസ് മുന്നറിയിപ്പുനൽകി.
No Comments
Leave a Comment
