അപഖ്യാതി, മതനിന്ദ: അഞ്ചുലക്ഷം ദിര്‍ഹംവരെ പിഴയും തടവും ശിക്ഷ
July 22, 2022
യു എ ഇയിൽ മറ്റുള്ളവര്‍ക്കെതിരെ അപഖ്യാതി പ്രചരിപ്പിക്കുകയും സമൂഹ മാധ്യമങ്ങളിലൂടെ മതനിന്ദ നടത്തുകയും ചെയ്യുന്നവര്‍ക്ക് അഞ്ചുലക്ഷം ദിര്‍ഹം വരെ പിഴയും ജയില്‍ ശിക്ഷയും ലഭിക്കുമെന്ന് യു.എ.ഇ പബ്ലിക് പ്രോസിക്യൂഷന്‍ മുന്നറിയിപ്പ്.വിവരസാങ്കേതിക ശൃംഖലകളിലൂടെയോ മറ്റു മാധ്യമങ്ങളിലൂടെയോ മറ്റുള്ളവര്‍ക്കെതിരെ ദുഷ്പ്രചാരണം നടത്തുകയോ അധിക്ഷേപം നടത്തുകയോ ചെയ്യുന്നവരില്‍നിന്ന് രണ്ടുലക്ഷത്തി അമ്പതിനായിരം ദിര്‍ഹമില്‍ കുറയാത്തതും അഞ്ചുലക്ഷം ദിര്‍ഹമില്‍ കൂടാത്തതുമായ പിഴ ഈടാക്കുമെന്ന് പബ്ലിക് പ്രോസിക്യൂഷന്‍ വ്യക്തമാക്കി.ഇ-കുറ്റകൃത്യങ്ങളും ദുഷ്പ്രചാരണങ്ങളും തടയുന്നതിനുള്ള ഫെഡറല്‍ നിയമത്തിലാണ് ഇതുസംബന്ധിച്ച ശിക്ഷകള്‍ വ്യവസ്ഥ ചെയ്തത്. കുപ്രചരണങ്ങളും വ്യാജവാര്‍ത്തകളും പ്രചരിപ്പിക്കുന്നതിനെതിരെയും യു.എ.ഇ പബ്ലിക് പ്രോസിക്യൂഷന്‍ ശിക്ഷ പ്രഖ്യാപിച്ചിരുന്നു.
No Comments
Leave a Comment
