ദുബായ് വിമാനത്താവളങ്ങളിൽ പാസ്‌പോർട്ടിൽ പ്രത്യേക സ്റ്റാമ്പ് ലഭിക്കും
November 7, 2023
ദുബായ് വിമാനത്താവളങ്ങളിൽ നവംബർ 6 മുതൽ 18 വരെഎത്തുന്ന യാത്രക്കാരുടെ പാസ്‌പോർട്ടിൽ പ്രത്യേക സ്റ്റാമ്പ് ലഭിക്കും . സോഷ്യൽ മീഡിയ പ്ലാറ്റ്‌ഫോമായ എക്‌സിൽ പങ്കുവെച്ചുകൊണ്ട് ദുബായ് എയർപോർട്ട്സ് സ്‌മരണിക സ്റ്റാമ്പ് വെളിപ്പെടുത്തി – ഇത് ദുബായ് എയർഷോയ്‌ക്കായി രൂപകൽപ്പന ചെയ്‌തതാണ്.ദുബായ് ഇന്റർനാഷണൽ എയർപോർട്ട് (DXB) അല്ലെങ്കിൽ ദുബായ് വേൾഡ് സെൻട്രൽ (DWC) വഴിയാണ് യാത്രചെയ്യുന്നതെങ്കിൽ എല്ലാ യാത്രക്കാർക്കും സ്റ്റാമ്പ് ലഭിക്കുമെന്ന് അധികൃതർ അറിയിച്ചു.. ദുബായ് എയർഷോ അതിന്റെ റെക്കോർഡിലെ ഏറ്റവും വലിയ ഇവന്റിന് ഒരുങ്ങുന്നതിനിടെയാണ് സ്റ്റാമ്പിന്റെ പ്രകാശനം.എയ്‌റോസ്‌പേസ് വ്യവസായത്തിന്റെ ഭാവിയിൽ ശ്രദ്ധ കേന്ദ്രീകരിച്ച്, ദുബായ് എയർഷോയുടെ 18-ാം പതിപ്പ് “ഏവിയേഷൻ, ബഹിരാകാശ വ്യവസായങ്ങളെ പുനർനിർവചിക്കാൻ പോകുന്ന” ഏറ്റവും പുതിയ കണ്ടുപിടുത്തങ്ങളും ട്രെൻഡുകളും ഉൽപ്പന്ന ശ്രേണിയും പ്രദർശിപ്പിക്കും. നവംബർ 13 മുതൽ 17 വരെ ദുബായ് വേൾഡ് സെൻട്രലിൽ (ഡിഡബ്ല്യുസി) നടക്കുന്ന മെഗാ ഇവന്റ് 95 രാജ്യങ്ങളിൽ നിന്നുള്ള 1,400-ലധികം പ്രദർശകരെ ഒരുമിച്ച് കൊണ്ടുവരുന്നു. വാണിജ്യ ഏവിയേഷൻ, അഡ്വാൻസ്ഡ് ഏരിയൽ മൊബിലിറ്റി, ബഹിരാകാശം, പ്രതിരോധം, മിലിട്ടറി, ബിസിനസ് ഏവിയേഷൻ, എയർ ട്രാഫിക് മാനേജ്‌മെന്റ്, വളർന്നുവരുന്ന സാങ്കേതികവിദ്യ എന്നിവയുൾപ്പെടെ 400 ആദ്യ പ്രദർശകരും 80-ലധികം സ്റ്റാർട്ടപ്പുകളും അവരിൽ ഉൾപ്പെടുന്നു.ഏവിയേഷൻ, എയ്‌റോസ്‌പേസ് വ്യവസായങ്ങൾക്കായുള്ള മെഗാ ഇവന്റിൽ ഇന്നൊവേഷനുകളും ട്രയൽബ്ലേസിംഗ് സൊല്യൂഷനുകളും അനാവരണം ചെയ്യും. 180-ലധികം അത്യാധുനിക വാണിജ്യ, സ്വകാര്യ, സൈനിക വിമാനങ്ങൾ പ്രദർശിപ്പിക്കും, 20 രാജ്യ പവലിയനുകൾ അവരുടെ ഏറ്റവും നൂതനമായ ഉൽപ്പന്നങ്ങളും സാങ്കേതികവിദ്യകളും അവതരിപ്പിക്കും.
No Comments
Leave a Comment
