38,102 ഇ-സ്കൂട്ടറുകൾക്ക് അനുമതി
August 12, 2022
ദുബായിൽഇ-സ്കൂട്ടർ ഓടിക്കുന്നതിന് മൂന്നുമാസത്തിനുള്ളിൽ 38,102 അനുമതികൾ നൽകി. ഇ-സ്കൂട്ടർ അനുമതിക്കുവേണ്ടി ആർ.ടി.എ. (ദുബായ് റോഡ്‌സ് ആൻഡ് ട്രാൻസ്പോർട്ട് അതോറിറ്റി) നടത്തിയ സൗജന്യ ഓൺലൈൻ രജിസ്‌ട്രേഷൻ ആരംഭിച്ച് മൂന്നുമാസത്തിനുള്ളിലാണ് ഇത്രയും അനുമതികൾ അനുവദിച്ചതെന്ന് ആർ.ടി.എ. അറിയിച്ചു. ഏപ്രിൽ 28 മുതൽ ആർ.ടി.എ. വെബ്സൈറ്റിലൂടെയാണ് സൗജന്യ ഓൺലൈൻ രജിസ്‌ട്രേഷന് തുടക്കംകുറിച്ചത്. പ്രതിദിനം ശരാശരി 423 ഇ-സ്കൂട്ടർ ഓടിക്കാൻ അനുമതികൾ ആർ.ടി.എ. നൽകുന്നുണ്ട്. 30-നും 40-നുമിടയിൽ പ്രായമുള്ള ഇ-സ്കൂട്ടർ ഉപയോക്താക്കൾക്കായി 15,807 അനുമതികൾ ഇതിനകം അനുവദിച്ചുകഴിഞ്ഞു. 20-നും 30-നുമിടയിൽ 14,576-ഉം 20 വയസ്സിൽ താഴെയുള്ളവർക്ക് 1,570 അനുമതികളും നൽകിയിട്ടുണ്ട്.എമിറേറ്റിൽ ഇ-സ്കൂട്ടർ ഉപയോക്താക്കളിൽ മുൻപന്തിയിൽ നിൽക്കുന്നത് ഫിലിപ്പീൻസ് സ്വദേശികളാണ്. ഇന്ത്യ, പാകിസ്താൻ രാജ്യക്കാർ യഥാക്രമം രണ്ടും മൂന്നും സ്ഥാനത്തുണ്ട്. എമിറേറ്റിലെ ഇ-സ്കൂട്ടർ ഉപയോക്താക്കളിൽ 149 രാജ്യങ്ങളിൽനിന്നുള്ളവരുൾപ്പെടുന്നു. ദുബായിയെ ഒരു സൈക്കിൾ സൗഹൃദനഗരമാക്കി മാറ്റാനുള്ള ഭരണാധികാരികളുടെ ശ്രമങ്ങളുടെ ഫലമായാണ് ഇ-സ്കൂട്ടർ പ്രോത്സാഹിപ്പിക്കുന്നത്
No Comments
Leave a Comment
