വീടുകൾ സുരക്ഷിതമാക്കാൻ ‘സേഫ് സമ്മർ’ കാമ്പെയ്ൻ ആരംഭിച്ച് അബുദാബി പോലീസ്
June 22, 2022
യു എ ഇയിൽ നിന്ന് വേനലവധിക്കാലത്ത് പുറത്തുപോകു മ്പോൾ വീടുകൾ സുരക്ഷിതമാക്കാൻ ‘സേഫ് സമ്മർ’ കാമ്പെയ്ൻ അബുദാബി പോലീസ് ആരംഭിച്ചു. വരുന്ന നീണ്ട വേനൽ അവധിക്കാലത്ത് താമസക്കാർ രാജ്യത്തിന് പുറത്തേക്ക് യാത്ര ചെയ്യാൻ തയ്യാറെടുക്കുമ്പോൾ, ആ കാലയളവിൽ ശൂന്യമായി കിടക്കുന്ന അവരുടെ വീടുകളുടെ സുരക്ഷ ആശങ്കാജനകമാണെന്നിരിക്കെയാണ് അബുദാബി പോലീസ് ‘സേഫ് സമ്മർ’ എന്ന കാമ്പെയ്ൻ ആരംഭിച്ചത് , ഈ കാമ്പെയ്നിലൂടെ രാജ്യത്തിന് പുറത്ത് പോകുമ്പോൾ പാലിക്കേണ്ട പ്രതിരോധ, സുരക്ഷാ നടപടികളെക്കുറിച്ച് പൊതുജനങ്ങളെ ബോധവത്കരിക്കുകയാണ് ചെയ്യുന്നത്. വേനൽക്കാലത്ത് മോഷണം തടയുന്നതിനും വീടിന് തീപിടിക്കുന്നത് തടയുന്നതിനുമുള്ള കൂട്ടായ ഉത്തരവാദിത്തം വർദ്ധിപ്പിക്കുന്നതിനുള്ള ശ്രമങ്ങളുടെ ഭാഗമായി, വീടുകൾ സുരക്ഷിതമാക്കുന്നതിനുള്ള മാർഗങ്ങളെക്കുറിച്ച് ആളുകളെ ബോധവത്കരിക്കുന്നതിന് നിരവധി സർക്കാർ സ്ഥാപനങ്ങളുമായി ഏകോപനം നടത്തുമെന്ന് പോലീസ് അറിയിച്ചിട്ടുണ്ട്.വേനൽക്കാലത്തുടനീളം നടക്കുന്ന കാമ്പയിൻ, കുറ്റകൃത്യങ്ങൾ തടയുന്നതിനും സേനയുടെ സുരക്ഷാ ഉപദേശങ്ങളും മാർഗ്ഗനിർദ്ദേശങ്ങളും പാലിക്കുന്നതിനും അവരുടെ വീടുകളിൽ സുരക്ഷ പ്രോത്സാഹിപ്പിക്കുന്നതിനും അവരുടെ ജീവനും സ്വത്തുക്കളും സംരക്ഷിക്കുന്നതിനും പോലീസുമായി സഹകരിക്കാൻ താമസക്കാരോട് അഭ്യർത്ഥിച്ചിട്ടുണ്ട്.
No Comments
Leave a Comment