വിദൂര ജോലി സംവിധാനം
March 20, 2023
ദുബൈയിലെ സർക്കാർ ജീവനക്കാർക്ക് വിദൂര ജോലി സംവിധാനം പ്രാബല്യത്തിൽവന്നു . വീടിനടുത്തുള്ള പബ്ലിക് ലൈബ്രറികളിലിരുന്ന് ജോലി ചെയ്യാനുള്ള സംവിധാനമാണ് ഏർപെടുത്തുന്നത്. വിദൂര ജോലി സംവിധാനങ്ങളെ കുറിച്ച് ചർച്ച ചെയ്യാൻ ദുബൈ ഫ്യൂച്ചർ മ്യൂസിയത്തിൽ നടക്കുന്ന ‘റിമോട്ട് ഫോറ’ത്തിൽ ദുബൈ മാനവ വിഭവശേഷി വകുപ്പ് ഡയറക്ടർ ജനറൽ അബ്ദുല്ല ബിൻ സായിദ് അൽ ഫലാസിയാണ് പ്രഖ്യാപനം നടത്തിയത്. തൊഴിൽ മേഖലക്ക് പുറമെ ആരോഗ്യ, വിദ്യാഭ്യാസ മേഖലയിലും വിദൂര ജോലി സംവിധാനം നടപ്പാക്കാനുള്ള സർക്കാർ അജണ്ടയുടെ ഭാഗമായാണ് തീരുമാനം. 61 സർക്കാർ ഓഫിസുകളിലാണ് ഇത് നടപ്പാക്കുന്നത്. 67,000 ജീവനക്കാർക്ക് ഈ തീരുമാനം ഉപകാരപ്പെടും. നഗരത്തിലെ ഗതാഗതക്കുരുക്ക് കുറക്കാൻ ഉപകരിക്കും. വിദൂര സംവിധാനത്തിന് പ്രത്യേക നയം രൂപവത്കരിക്കും. വീട്ടിലിരുന്ന് ജോലി ചെയ്താലും സർക്കാർ നിശ്ചയിക്കുന്ന മാനദണ്ഡങ്ങൾ പാലിക്കണം.
ഈ വർഷം അവസാനത്തോടെ ആരോഗ്യ-പ്രതിരോധ മന്ത്രാലയം (മൊഹാപ്) പുറപ്പെടുവിക്കുന്ന പുതിയ നിയമനിർമ്മാണം അനുസരിച്ച് എല്ലാ മെഡിക്കൽ സൗകര്യങ്ങളും കുറഞ്ഞത് ഒരു വിദൂര ആരോഗ്യ സേവനമെങ്കിലും നൽകണം. മൊഹാപ്പിലെ ഡിജിറ്റൽ ഹെൽത്ത് ഡിപ്പാർട്ട്‌മെന്റിന്റെ സ്ട്രാറ്റജി ആൻഡ് ഇൻവെസ്റ്റ്‌മെന്റ് വിഭാഗം മേധാവി ഷെയ്ഖ ഹസൻ അൽ മൻസൂരി മ്യൂസിയം ഓഫ് ദി ഫ്യൂച്ചറിൽ നടന്ന വിദൂര കോൺഫറൻസിൽ സംസാരിക്കവെയാണ് ഇക്കാര്യം വെളിപ്പെടുത്തിയത്.മരുന്ന് നിർദ്ദേശിക്കുക, സുപ്രധാന അടയാളങ്ങൾ നിരീക്ഷിക്കുക, റോബോട്ടുകൾ ഉപയോഗിച്ച് ശസ്ത്രക്രിയ നടത്തുക, അല്ലെങ്കിൽ അടിസ്ഥാന സമഗ്രമായ മെഡിക്കൽ കൺസൾട്ടേഷൻ നൽകുക എന്നിവയാണ് സേവനങ്ങളിൽ ഒന്ന് വിദൂരമായി നൽകാൻ മെഡിക്കൽ സൗകര്യങ്ങൾക്ക് കഴിയണം
No Comments
Leave a Comment
