യു.എ.ഇ.യിൽ മഴ തുടരും
August 5, 2022
യു.എ.ഇ.യിൽ വരുംദിവസങ്ങളിൽ മഴയുടെ തോത് വർധിക്കാൻ സാധ്യയുണ്ടെന്നും ജനങ്ങൾ ജാഗ്രത പാലിക്കണമെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകി. കനത്തമഴയെത്തുടർന്ന് രാജ്യത്തിന്റെ വിവിധഭാഗങ്ങളിൽ കാലാവസ്ഥാവകുപ്പ് ചുവപ്പ് ജാഗ്രത പുറപ്പെടുവിച്ചിട്ടുണ്ട്. ഇന്നലെ വൈകീട്ടോടെ ദുബായ്, അൽ ഐൻ എന്നിവിടങ്ങളിൽ ചിലയിടത്ത് ശക്തമായ മഴപെയ്തതായി കാലാവസ്ഥ നിരീക്ഷണകേന്ദ്രം സ്ഥിരീകരിച്ചിരുന്നു .ഇന്ന് മൂടിക്കെട്ടിയ അന്തരീക്ഷം തുടരും .അന്തരീക്ഷത്തിൽ ചില ഭാഗങ്ങളിൽ പൊടിപടലങ്ങൾ നിറഞ്ഞതായിരിക്കും .പകൽ താപനിലയിൽ മാറ്റമുണ്ടാകും .റോഡുകളിൽ സുരക്ഷിതമായി വാഹനമോടിക്കാൻ അബുദാബി പോലീസ് വാഹനമോടിക്കുന്നവരോട് ആവശ്യപ്പെട്ടു.യാത്ര ആരംഭിക്കുന്നതിന് മുമ്പ് കാലാവസ്ഥാ അപ്ഡേറ്റുകൾ പിന്തുടരാനും റോഡിന്റെ വേഗത കുറയ്ക്കാനും വാഹനങ്ങൾക്കിടയിൽ മതിയായ സുരക്ഷാ അകലം പാലിക്കാനും അഭ്യർത്ഥിച്ചു. മൊബൈൽ ഫോണുകൾ ഉപയോഗിക്കുന്നതും ചിത്രീകരിക്കുന്നതും വാഹനമോടിക്കുമ്പോൾ ശ്രദ്ധ തിരിക്കുമെന്നും അപകടങ്ങൾക്ക് കാരണമാകുമെന്നുംഅബുദാബി പോലീസ് പറഞ്ഞു .ഇലക്ട്രോണിക് സൈൻ ബോർഡുകളിൽ പ്രദർശിപ്പിച്ചിരിക്കുന്ന വേഗപരിധി പാലിക്കാൻ വാഹനമോടിക്കുന്നവരോട് ആവശ്യപ്പെട്ടിട്ടുണ്ട്. പ്രതികൂല കാലാവസ്ഥയിൽ ചില റോഡുകളിൽ വേഗത മണിക്കൂറിൽ 80 കിലോമീറ്ററായി കുറയും
No Comments
Leave a Comment