ബലിപെരുന്നാൾ ,ദുബായ് മുൻസിപ്പാലിറ്റി ഒരുങ്ങി അറവുശാലകൾക്ക് മാനദണ്ഡം
June 24, 2022
ബലിപെരുന്നാളിനെ വരവേൽക്കാൻ ദുബായ് മുനിസിപ്പാലിറ്റിയുടെ അറവുശാലകൾ മുന്നൊരുക്കം തുടങ്ങി. ഉപയോക്താക്കൾക്ക് ബലി മൃഗങ്ങളെ ഓർഡർ ചെയ്യാനും വാങ്ങാനും മാംസം വിതരണം ചെയ്യാനും സ്മാർട് ആപ്ലിക്കേഷൻ സംവിധാനം വിപുലീകരിച്ചു. കൃത്യസമയത്ത് സുഗമമായി ഉപയോക്താക്കൾക്ക് ഗുണമേൻമയുള്ള സേവനം നൽകാനുള്ള ദുബായ് മുനിസിപ്പാലിറ്റിയുടെ ലക്ഷ്യത്തിന്റെ ഭാഗമായാണിത്. മാംസം ഓർഡർ ചെയ്യാനായി അൽ മവാഷി, തുർകി ദബായ, ഷബാബ് അൽ ഫ്രീജ്, ദബായിഹ് അൽദാർ, അലനൂദ്, സ്ലോട്ടേഴ്സ്, ദബായ് യു.എ.ഇ., ടെൻഡർ മീറ്റ് എന്നീ ആപ്പുകൾ ഉപയോക്താക്കൾക്ക് മികച്ച സേവനം നൽകും.തങ്ങളുടെ അറവുശാലയെ ആശ്രയിക്കേണ്ടതിന്റെ പ്രാധാന്യം മുനിസിപ്പാലിറ്റി വിശദീകരിച്ചു. ആഗോളതലത്തിൽ അംഗീകരിച്ച ആരോഗ്യ സുരക്ഷാ മാനദണ്ഡങ്ങൾ പാലിച്ച് പ്രവർത്തിക്കാൻ ഏറ്റവും പുതിയ ഉപകരണങ്ങളാണ് ഉപയോഗിക്കുന്നത്. ശരീഅത്ത് അനുസരിച്ചാണ് കന്നുകാലികളെ കശാപ്പ് ചെയ്യുന്നത്.അറവ് മൃഗങ്ങളെ കൊണ്ടുപോകുന്നതിന് കൃത്യമായ മാർഗനിർദേശങ്ങൾ ദുബായ് മുനിസിപ്പാലിറ്റി നൽകുന്നു. മതിയായ സൗകര്യമുള്ള വാഹനങ്ങളിൽ അറവുശാലകളിലേക്കാണ് മൃഗങ്ങളെ കൊണ്ടുപോകുന്നതെന്ന് ഉറപ്പാക്കും. പ്രതിരോധ നടപടികൾ നടപ്പാക്കേണ്ടതിന്റെ പ്രാധാന്യം അധികൃതർ ഊന്നിപ്പറഞ്ഞു. ഫാമുകളിൽ കന്നുകാലികളെ കശാപ്പ് ചെയ്യുന്നത് മൃഗങ്ങൾക്കും മനുഷ്യർക്കുമിടയിൽ സാംക്രമിക രോഗങ്ങൾ പകരാനുള്ള സാധ്യത വർധിപ്പിക്കുമെന്നും വ്യക്തമാക്കി
No Comments
Leave a Comment