പ്ലാസ്റ്റിക് കുപ്പികൾ നിക്ഷേപിക്കാൻ : ‘സീറോ’വീപ്പകൾ
September 30, 2022
അബുദാബിയിൽ ‘പ്ലാസ്റ്റിക് മലിനീകരണം കുറയ്ക്കുന്നതിന്റെ ഭാഗമായി ഒറ്റത്തവണ ഉപയോഗിക്കാവുന്ന പ്ലാസ്റ്റിക് കുപ്പികൾ നിക്ഷേപിക്കാൻ സീറോ’ ആകൃതിയിലുള്ള വലിയ വീപ്പകൾ സ്ഥാപിക്കുന്നു. പ്ലാസ്റ്റിക് മാലിന്യം കുറയ്ക്കുക, കാർബൺ പുറന്തള്ളൽ ഒഴിവാക്കുക തുടങ്ങിയ ലക്ഷ്യങ്ങൾ കൈവരിക്കാനുള്ള എമിറേറ്റിന്റെ ദൗത്യത്തിന് അനുസൃതമായാണ് പുതിയ സംരംഭം.അബുദാബിയുടെ ‘മിഷൻ ടു സീറോ’ കാമ്പയിന്റെ ഭാഗമായി ഷോപ്പിങ് മാളുകൾ, പാർക്കുകൾ, പൊതു പരിപാടികൾ നടക്കുന്ന വേദികൾ എന്നിവിടങ്ങളിലാണ് തുടക്കത്തിൽ സീറോ വീപ്പകൾ സ്ഥാപിക്കുന്നത്.പരിസ്ഥിതിക്ക് ദോഷമാകുന്ന രീതിയിലുള്ള പ്ലാസ്റ്റിക് മലിനീകരണങ്ങൾ ഒഴിവാക്കുകയാണ് പുതിയ സംരംഭത്തിലൂടെ ലക്ഷ്യമിടുന്നതെന്ന് ഇ.എ.ഡി.യിലെ സയൻസ് ഔട്ട്റീച്ച് മാനേജ്മെന്റ് ഡിവിഷനിലെ എൻവയോൺമെന്റ് ഇൻഫർമേഷൻ എക്സിക്യുട്ടീവ് ഡയറക്ടർ അഹമ്മദ് ബഹറൂൺ പറഞ്ഞു.യു.എ.ഇ.യിലുടനീളം ഒറ്റത്തവണ ഉപയോഗിക്കുന്ന പ്ലാസ്റ്റിക്കുകൾ ഇല്ലാതാക്കാൻ വലിയരീതിയിലുള്ള ബോധവത്കരണമാണ് നടന്നുവരുന്നത്
No Comments
Leave a Comment