ഡ്രൈവർമാക്ക് ബോധവൽക്കരണവുമായി പോലീസ്
August 10, 2022
അബുദാബിയിൽ ടാക്‌സി ഡ്രൈവർമാർ, ഡെലിവറി ജീവനക്കാർ എന്നിവർക്കായി പോലീസ് ബോധവത്കരണ പ്രചാരണം ആരംഭിച്ചു.അശ്രദ്ധമായ ഡ്രൈവിങ്‌ നിമിത്തമുണ്ടാകുന്ന റോഡപകടങ്ങളെ മുൻനിർത്തിയാണ് ബോധവത്കരണവുമായി പോലീസ് പ്രചാരണം തുടങ്ങിയത്.വർധിച്ചുവരുന്ന ഡെലിവറി ജീവനക്കാരുടെ എണ്ണം കണക്കിലെടുത്ത് ഗതാഗത സുരക്ഷ ഉറപ്പാക്കാനുള്ള നടപടി സ്വീകരിക്കാനാണ് അധികൃതർ ലക്ഷ്യമിടുന്നത്. അബുദാബി പോലീസും നഗരസഭയിലെ വിവിധവകുപ്പുകളും ഏകീകൃത ഗതാഗത കേന്ദ്രവും ചേർന്നാണ് ബോധവത്കരണ പ്രചാരണത്തിന് നേതൃത്വം നൽകുന്നത്.അൽഐൻ നഗരത്തിലെ വിവിധ സ്വകാര്യ ഡെലിവറി സ്ഥാപനങ്ങളിൽനിന്നുള്ള ജീവനക്കാർക്ക് അറബിക്, ഇംഗ്ലീഷ്, ഉറുദു എന്നീ ഭാഷകളിലായി ശില്പശാലകളും നടത്തി. ഡ്രൈവർമാരിൽ ഗതാഗത സുരക്ഷാ അവബോധം വർധിപ്പിക്കാനാണ് ബോധവത്കരണ പരിപാടികൾ സംഘടിപ്പിക്കുന്നതെന്ന് അൽ ഐൻ ഗതാഗതവകുപ്പിലെ ഡെപ്യൂട്ടി ഡയറക്ടറായ ലെഫ്റ്റനന്റ് കേണൽ സൈഫ് മുഹമ്മദ് അൽ അമേറി പറഞ്ഞു. വാഹനമോടിക്കുമ്പോൾ മൊബൈൽ ഫോൺ ഉപയോഗിക്കരുതെന്നും റോഡുകളിലെ ലൈൻ മാറുമ്പോൾ ശ്രദ്ധിക്കണമെന്നും നിശ്ചിത വേഗപരിധി പാലിക്കണമെന്നും അൽ ഐൻ ഗതാഗത വകുപ്പിലെ പബ്ലിക് റിലേഷൻസ് വിഭാഗം ഡയറക്ടർ മേജർ ഖാലിദ് അൽ അസ്സീസി ഓർമിപ്പിച്ചു.ഗതാഗത അപകടങ്ങളെക്കുറിച്ച് ഡ്രൈവർമാരെ ബോധവത്കരിക്കുന്നതിലൂടെ എമിറേറ്റിലെ ഗതാഗത സുരക്ഷ വർധിപ്പിക്കാനാകുമെന്നും അദ്ദേഹം സൂചിപ്പിച്ചു
No Comments
Leave a Comment
