ഈ വെള്ളിയാഴ്ച യുഎഇയുടെ മാനത്ത് അപൂർവ ഗ്രഹസംഗമം; ഇനി ഇത്തരമൊരു കാഴ്ച അടുത്ത ദശാബ്ദത്തിൽ
June 22, 2022
യുഎഇയുടെആകാശത്ത് ഈ വെള്ളിയാഴ്ച ഗ്രഹങ്ങളുടെ സമ്മേളനംദൃശ്യമാകും . ഒന്നിനൊന്നോട് ചേർന്നു അഞ്ചു ഗ്രഹങ്ങൾ ഭൂമിക്ക് അഭിമുഖമായി നിൽക്കും. കാലാവസ്ഥാ പ്രവചനത്തിലെമേഘക്കൂട്ടംതടസ്സമായില്ലെങ്കി‍ൽഅപൂർവമായി കിട്ടുന്ന ഗ്രഹസംഗമത്തിന് യുഎഇയുടെ മാനം വേദിയൊരുക്കും..ബുധൻ, ശുക്രൻ, ചൊവ്വ, വ്യാഴം, ശനി എന്നി ഗ്രഹങ്ങളാണ് ഈ വെള്ളിയാഴ്ച വിരുന്നെത്തുന്നത്. ഇവർക്കൊപ്പം ചന്ദ്രനും സന്നിധ്യം അറിയിക്കും. ഇനി ഇത്തരമൊരു കാഴ്ച അടുത്ത ദശാബ്ദത്തിൽ മാത്രമേ ഉണ്ടാകൂ എന്ന് ദുബായ് അസ്ട്രോണമി ഗ്രൂപ്പ് അറിയിച്ചു. അഞ്ചു ഗ്രഹങ്ങൾ ഒരുമിച്ച് സൂര്യന്റെ ഒരു വശത്ത് വരുന്നത് 19 വർഷം കൂടുമ്പോഴാണ്. മൂന്നു ഗ്രഹങ്ങൾ വർഷത്തിൽ രണ്ടു തവണ സൂര്യന്റെ ഒരു വശത്ത് വരാറുണ്ട്. നാലു ഗ്രഹങ്ങൾ വർഷത്തിലൊരിക്കൽ ഒരേ ദിശയിൽ എത്തും. എട്ടു ഗ്രഹങ്ങളും സൂര്യന്റെ ഒരു വശത്ത് ഒരുമിച്ച് എത്തുന്നത് 170 വർഷം കൂടുമ്പോഴാണെന്നും ശാസ്ത്രജ്ഞർ പറഞ്ഞു. സൂര്യോദയത്തിന് ഒരു മണിക്കൂർ മുൻപായിരിക്കും പഞ്ചഗ്രഹ സംഗമം. ഒരു മണിക്കൂർ വരെ ഇത് നീളാം. നഗ്ന നേത്രങ്ങൾ കൊണ്ടു കാണാമെങ്കിലും ദൂർദർശിനി ഉപയോഗിച്ചാൽ കൂടുതൽ മിഴിവോടെ കാണാം. അൽതുര്യ അസ്ട്രോണമി സെന്ററും ദുബായ് അസ്ട്രോണമി ഗ്രൂപ്പും ആകാശ കാഴ്ച കാണിക്കാൻ അവസരം നൽകുന്നുണ്ട്. 24ന് രാത്രി 1 മണി മുതൽ പുലർച്ചെ അഞ്ചു വരെയാണിത്. പണം നൽകി ഇവരുടെ ദൂരദർശിനിയിലൂടെ കാഴ്ച കാണാം.
No Comments
Leave a Comment
