യുഎഇയില്‍ ചൂട് ഉയരുന്നു
June 20, 2022
യുഎഇയില്‍ ചൂട് ഉയരുന്നു. അതീവ ജാഗ്രത പുലര്‍ത്തണമെന്ന് അധികൃതര്‍ മുന്നറിയിപ്പ് നല്‍കി. രാജ്യത്ത് പലേടത്തും താപനില 50 ഡിഗ്രി സെല്‍ഷ്യസിലേക്ക് എത്തിയിരിക്കുകയാണ്.ശനിയാഴ്ച 49.8 ഡിഗ്രി സെല്‍ഷ്യസ് വരെ രേഖപ്പെടുത്തിയിരുന്നു. അല്‍ ഐനിലെ സെയ്ഹാനി ലാണ് കനത്ത ചൂട് രേഖപ്പെടുത്തിയത്. ദുബൈ, ഷാര്‍ജ, അജ്മാന്‍ എമിറേറ്റുകളില്‍ 48 ഡിഗ്രിയായിരുന്നു ഇന്നലെ അനുഭവപ്പെട്ട കൂടിയ താപനില. വരും ദിവസങ്ങളില്‍ താപനില ഇനിയും ഉയരുമെന്നാണ് റിപ്പോര്‍ട്ട്. കഴിഞ്ഞ വര്‍ഷം ജൂണില്‍ അല്‍ ഐനിലാണ് ഏറ്റവും ഉയര്‍ന്ന താപനില (51.8) രേഖപ്പെടുത്തിയത്.അബുദാബിയിൽ പുറംതൊഴിൽ ചെയ്യുന്ന തൊഴിലാളികളെ കനത്തചൂടിൽനിന്ന് സംരക്ഷിക്കുകയെന്ന ഉദ്ദേശ്യത്തിൽ സേഫ്റ്റി ഇൻ ഹീറ്റ് പദ്ധതിക്ക് അബുദാബി ഹെൽത്ത് സെന്റർ തുടക്കമിട്ടു.
No Comments
Leave a Comment
