മൂന്നുവർഷത്തിനകം എണ്ണയുത്പാദനം വർധിപ്പിക്കാൻ യു.എ.ഇ.
September 21, 2022
യു.എ.ഇമൂന്നു വർഷത്തിനകം എണ്ണയുത്പാദനം കുത്തനെ വർധിപ്പിക്കാൻ പദ്ധതിയിടുന്നു. 2025 അവസാനത്തോടെ പ്രതിദിന എണ്ണ ഉത്പാദനം 50 ലക്ഷം വീപ്പയായി ഉയർത്താനാ ണ് നീക്കം. നിലവിലിത് 34 ലക്ഷം വീപ്പയാണ്. അന്താരാഷ്ട്ര വിപണിയിൽ എണ്ണവില ഉയർന്നുനിൽക്കുന്ന സാഹചര്യം പ്രയോജനപ്പെടുത്തുകയാണ് ഉത്പാദന വർധനയിലൂടെ യു.എ.ഇ. ലക്ഷ്യമിടുന്നത്. 2030-ൽ പ്രതിദിന എണ്ണ ഉത്പാദനം 50 ലക്ഷം ബാരലായി ഉയർത്താനായിരുന്നു നേരത്തേ പദ്ധതിയിട്ടിരുന്നത്.പെട്രോളിയം ഖനനരംഗത്ത് പങ്കാളിത്തമുള്ള അന്താരാഷ്ട്ര സ്ഥാപനങ്ങളോട് പ്രതിമാസം പത്തുശതമാനം വീതം ഉത്പാദനം വർധിപ്പിക്കണമെന്ന് ദേശീയ എണ്ണക്കമ്പനിയായ അഡ്നോക് ആവശ്യപ്പെട്ടതായി റിപ്പോർട്ടുകളുണ്ട്. നിലവിലെ രീതിയിൽ മുന്നോട്ടു പോയാൽ 2030-ൽ ഉത്പാദനം 60 ലക്ഷം ബാരലിൽ എത്തിക്കാൻ യു.എ.ഇ.ക്ക് സാധിക്കും. എണ്ണ കയറ്റുമതി രാജ്യങ്ങളുടെ സംഘടനയിൽ (ഒപെക്) സൗദിയും ഇറാഖും കഴിഞ്ഞാൽ വലിയ ഉത്പാദക രാഷ്ട്രമാണ് യു.എ.ഇ. നിലവിൽ ഉത്പാദനം വർധിപ്പിക്കേണ്ടതില്ലെന്നാണ് ഒപെക് നിലപാട്. വീപ്പയ്ക്ക് 90 ഡോളറാണ് അന്താരാഷ്ട്ര വിപണിയിലെ എണ്ണവില.2027-ൽ പ്രതിദിന എണ്ണ ഉത്പാദനം ഒരു കോടി 30 ലക്ഷം ബാരലിലേക്ക് എത്തിക്കാൻ സൗദി അറേബ്യയും പദ്ധതിയിടുന്നുണ്ട്. ആഗോളതലത്തിലെ ഊർജ സ്രോതസ്സുകളുടെ കുറവ് പരിഹരിക്കുക ലക്ഷ്യമിട്ടാണ് ഉത്പാദനം വർധിപ്പിക്കുന്നത്.
No Comments
Leave a Comment