മഴയുടെ ശക്തി കുറഞ്ഞു ….നാളെവരെ അസ്ഥിര കാലാവസ്ഥ തുടരും
July 29, 2022
യു.എ.ഇയിൽ നാളെ വരെ അസ്ഥിര കാലാവസ്ഥ തുടരുമെന്നു കാലാവസ്ഥ നിരീക്ഷണ വിഭാഗം.മിക്ക എമിറേറ്റുകളിലും ഇന്ന് രാവിലെയും മൂടിക്കെട്ടിയ അന്തരീക്ഷമാണ്.രാജ്യത്തെ മ്പാടും ഇന്നലെ മൂടിക്കെട്ടിയ അന്തരീക്ഷമായിരുന്നു. അബൂദബി എമിറേറ്റിന്റെ വിവിധ മേഖലകളിലും ഫുജൈറയിലുമാണ് കഴിഞ്ഞ ദിവസങ്ങളിൽ ശക്തമായ മഴ ലഭിച്ചത്. രാജ്യത്ത് അനുഭവപ്പെട്ട ചൂടും ഗണ്യമായി കുറഞ്ഞിട്ടുണ്ട് .രാജ്യത്തെമ്പാടും വ്യാപകമായി പൊടിക്കാറ്റ് തുടരുന്നതിനാൽ പുറത്തിറങ്ങു ന്നവർ ജാഗ്രതപാലിക്കണം .ദൂരക്കാഴ്ച കുറയുന്നതിനാൽ വാഹനമോടിക്കുന്നവരും കരുതിയിരിക്കണമെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.കടലും പ്രക്ഷുബ്ദമാണ്. പതിവിൽ കൂടുതൽ ഉയരത്തിൽ തിരമാലയടിക്കാൻ സാധ്യതയുള്ള തിനാൽ കടലിലിറങ്ങുന്നത് ഒഴിവാക്കണം.ബുധനാഴ്ച വൈകീട്ട് ആരംഭിച്ച മഴ വ്യാഴം പുലർച്ചവരെ തുടർന്നപ്പോൾ ഫുജൈറ, റാസൽഖൈമ, ഉമ്മുൽഖുവൈൻ, ഷാർജ, അജ്മാൻ എന്നിവിടങ്ങളിലെ പല ഭാഗങ്ങളും വെള്ളത്തിൽ മുങ്ങി. മൂന്നു പതിറ്റാണ്ടിനിടയിൽ രാജ്യത്ത് ലഭിച്ച ശക്തമായ മഴ കൂടുതൽ നാശംവിതച്ചത് ഫുജൈറയിലാണ്.കഴിഞ്ഞ ദിവസങ്ങളിൽ ഉണ്ടായ പ്രളയ സമാനമായ അന്തരീക്ഷത്തിൽ നിന്ന് ഫുജൈറ ഉൾപ്പെടെ മോചിതമാവുകയാണ് വെള്ളക്കെട്ട് ഒഴിവാക്കാനു ള്ള ശ്രമവും തുടരുന്നുണ്ട് .കനത്തമഴയിലുണ്ടായ ദുരിതങ്ങൾ നേരിടാൻ എല്ലാ സംവിധാനങ്ങളുമൊരുക്കിയിട്ടുണ്ടെന്ന് ഫുജൈറ കിരീടാവകാശി ശൈഖ് മുഹമ്മദ് ബിൻ ഹമദ് ബിൻ മുഹമ്മദ് അൽ ശർഖി പറഞ്ഞു.ദുരിതബാധിത പ്രദേശങ്ങ ളിലെ താമസക്കാരെ രക്ഷിക്കാൻ ഒറ്റരാത്രികൊണ്ടാണ് അടിയന്തര രക്ഷാപ്രവർത്തകസംഘം അണിനിരന്നത്. വീടുകളും നിരത്തുകളും വെള്ളത്തിലായപ്പോൾ ഒരുരാത്രികൊണ്ടുതന്നെ യു.എ.ഇ. പോലീസ്, സിവിൽ ഡിഫൻസ് ഓഫീസർമാർ ഉൾപ്പെട്ട സംഘമെത്തി താമസ ക്കാർക്ക് തുണയായി. ഷാർജ ,ഫുജൈറ എമിറേറ്റുകളിൽ കനത്ത മഴക്കെടുതിയിൽ അകപ്പെട്ട 870 പേരെ രക്ഷപ്പെടുത്തിയതായിആഭ്യന്തരമന്ത്രാലയവക്താവ്അറിയിച്ചു .മഴയിൽ ആളപായങ്ങൾ ഇതുവരെ റിപ്പോർട്ട് ചെയ്തിട്ടില്ല. ദുബായ്-ഫുജൈ റ ബസ് സർവീസുകൾ കനത്ത മഴയെ തുടർന്ന് താത്കാലികമായി നിർത്തിവെച്ചതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (ആർ.ടി.എ.) അറിയിച്ചു. ടാക്സി ഡ്രൈവർമാരോടും സുരക്ഷാ നിർദേശങ്ങൾ പാലിക്കാൻ ആവശ്യപ്പെട്ടിട്ടുണ്ട്.
No Comments
Leave a Comment