മനുഷ്യക്കടത്തിനെതിരേ ബോധവത്കരണം
August 1, 2022
മനുഷ്യക്കടത്തുമായി ബന്ധപ്പെട്ട് ലോകത്തുനടക്കുന്ന കുറ്റകൃത്യങ്ങൾ തടയുന്നതിന് ശക്തമായ നടപടിയുമായി യു.എ.ഇ.ഓൺലൈൻ തട്ടിപ്പുകൾക്കെതിരേ പൊതുജനങ്ങൾ അതീവജാഗ്രത പാലിക്കണമെന്നും അവർ ഓർമിപ്പിച്ചു.കുട്ടികൾക്കും സ്ത്രീകൾക്കുമെതിരേയുള്ള ചൂഷണങ്ങൾ തടയുന്നതിന് ബോധവത്കരണവും സംഘടിപ്പിക്കുന്നുണ്ട് .‘ഡിജിറ്റൽ സ്പേസിലെ മനുഷ്യക്കടത്ത്’ എന്ന പ്രമേയത്തിൽ കുറ്റകൃത്യങ്ങളുടെ ഗൗരവം ജനങ്ങളെ അറിയിക്കുന്നതിനോടൊപ്പം മനുഷ്യക്കടത്തിലെ ഇരകളുടെ ദുരിതങ്ങളിൽ ശ്രദ്ധിക്കാനും അവരുടെ അവകാശങ്ങളെക്കുറിച്ച് ബോധവത്കരിക്കാനുമാണ് പ്രചാരണമെന്ന് അധികൃതർ അറിയിച്ചു.ലോക മനുഷ്യക്കടത്ത് വിരുദ്ധദിനാചരണത്തിന്റെ ഭാഗമായി ദുബായ് ഫൗണ്ടേഷൻ ഫോർ വിമെൻ ആൻഡ് ചിൽഡ്രൻ (ഡി.എഫ്.ഡബ്ല്യു.എ.സി.) ബോധവത്കരണ പ്രചാരണങ്ങൾ ആരംഭിച്ചു. മനുഷ്യക്കടത്തുമായി ബന്ധപ്പെട്ട് ലോകത്തുനടക്കുന്ന കുറ്റകൃത്യങ്ങൾ തടയുന്നതിന് യു.എ.ഇ. നടത്തുന്ന ശ്രമങ്ങൾക്ക് കരുത്തുപകരാനാണ് ഇത്തരം പ്രവർത്തനങ്ങളിലൂടെ ലക്ഷ്യമിടുന്നതെന്ന് ഡി.എഫ്.ഡബ്ല്യു.എ.സി.യുടെ ആക്ടിങ് ഡയറക്ടർ ജനറൽ ശൈഖ സയീദ് അൽ മൻസൂരി വ്യക്തമാക്കി. കുട്ടികൾക്കും സ്ത്രീകൾക്കുമെതിരേയുള്ള ചൂഷണങ്ങൾ തടയുന്നതിനും അവരുടെ അവകാശങ്ങൾ സംരക്ഷിക്കുന്നതിനും പൊതുബോധം വർധിപ്പിക്കുന്നതിനും ഡി.എഫ്.ഡബ്ല്യു.എ.സി. തുടക്കമിട്ട ഒട്ടേറെ സംരംഭങ്ങളുടെ ഭാഗമാണ് പ്രചാരണം. ഡിജിറ്റൽ സാങ്കേതികരംഗത്തെ അപകടസാധ്യതകളെക്കുറിച്ചും ഇതിൽ മുന്നറിയിപ്പ് നൽകുന്നുണ്ട്. സാമൂഹികമാധ്യമങ്ങളിലൂടെയുള്ള വ്യാജ തൊഴിൽപരസ്യങ്ങളിൽ കബളിപ്പിക്കപ്പെടുന്നവരുടെ എണ്ണം ദിനംപ്രതി വർധിക്കുന്നതിനാൽ ഓൺലൈൻ തട്ടിപ്പുകൾക്കെതിരേ ജനങ്ങളെ ബോധവത്കരിക്കും.മനുഷ്യക്കടത്ത് സംബന്ധിച്ച 2020-ലെ ആഗോള റിപ്പോർട്ട് പ്രകാരം ചൂഷണത്തിനിരകളാകുന്ന കുട്ടികളുടെയും സ്ത്രീകളുടെയും എണ്ണം യു.എ.ഇ.യിൽ കുറവാണ്. 2016-നും 2018-നുമിടയിൽ ഇതുമായി ബന്ധപ്പെട്ട 27 കേസുകളാണ് രാജ്യത്ത് രേഖപ്പെടുത്തിയിട്ടുള്ളത്. മനുഷ്യക്കടത്തു കാരണം ജനങ്ങൾ അനുഭവിക്കേണ്ടിവരുന്ന ദുരിതങ്ങളും അനീതികളും ഇല്ലാതാക്കാനുള്ള യു.എ.ഇ. നേതൃത്വത്തിന്റെ തീരുമാനങ്ങൾക്ക് അനുസൃതമായാണ് സംവിധാനങ്ങൾ പ്രവർത്തിക്കുന്നത്.
No Comments
Leave a Comment