ബസ് സ്‌ക്രീനുകളിലൂടെയും ഇനി ട്രാഫിക് സുരക്ഷാ നിർദേശങ്ങൾ #June 16th
June 16, 2022
അബുദാബിയിൽ ബസ് സ്‌ക്രീനുകളിലൂടെയും ഇനി ട്രാഫിക് സുരക്ഷാ നിർദേശങ്ങൾ നൽകുമെന്ന് അബുദാബി പോലീസ്.അബുദാബി എമിറേറ്റിലെ പൊതു ബസുകളിൽ പുതുതായി സ്ഥാപിച്ച സ്‌ക്രീനുകൾ പൊതുജന സുരക്ഷയുടെ വിവിധ വിഷയങ്ങളെക്കുറിച്ച് സമൂഹത്തിൽ അവബോധം വളർത്തും.ഇത് മുൻസിപ്പാലിറ്റികളുടെ വകുപ്പുമായും ട്രാൻസ്‌പോർട്ടിന്റെ ഇന്റഗ്രേറ്റഡ് ട്രാൻസ്പോർട്ട് സെന്ററുമായും ഏകോപിപ്പിച്ചാണ് ഇത് നടപ്പിലാക്കുന്നത്. ട്രാഫിക് അപകടങ്ങൾ കുറയ്ക്കുന്നതിനും പൊതു സുരക്ഷ വർധിപ്പിക്കുന്നതിനും സുരക്ഷ നിലനിർത്തുന്നതിനും ബോധവൽക്കരണ സന്ദേശങ്ങൾ സഹായിക്കുമെന്ന് ട്രാഫിക് ആൻഡ് പട്രോൾ ഡയറക്ടറേറ്റ് ഡയറക്ടർ ബ്രിഗേഡിയർ ജനറൽ മുഹമ്മദ് ധാഹി അൽ ഹിമിരി പറഞ്ഞു.യുഎഇയിൽ ഇംഗ്ലീഷ്, അറബിക്, ഉറുദു എന്നിവയുൾപ്പെടെ വ്യാപകമായി സംസാരിക്കുന്ന നിരവധി ഭാഷകളിൽ സന്ദേശങ്ങൾ ഉണ്ടാകും, അവ ധാരാളം താമസക്കാരിലേക്ക് എത്തുന്നുവെന്ന് ഉറപ്പാക്കും. പൊതു ബസുകളുടെ ഉപയോഗവും സന്ദേശം പ്രചരിപ്പിക്കും.
No Comments
Leave a Comment
