ദുബൈയിലെ ഗ്രാമീണ മേഖലയിലെ ടൂറിസം വികസനം ലക്ഷ്യമിട്ട് പുതിയ പദ്ധതികൾ
November 28, 2022
ദുബൈയിലെ ഗ്രാമീണ മേഖലയിലെ ടൂറിസം വികസനം ലക്ഷ്യമിട്ട് പുതിയ പദ്ധതികൾ പ്രഖ്യാപിച്ച് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം.100 കിലോമീറ്റർ നീളത്തിൽ പ്രകൃതിരമണീയമായ പാതകൾ, ഹെലികോപ്ടർ റൈഡ്, പ്രകൃതിദത്ത അരുവികളും തടാകങ്ങളും, ഡസർട്ട് സ്പോർട്സ് മേഖലകൾ തുടങ്ങിയവയെല്ലാം പദ്ധതിയിൽ ഉൾപ്പെടുത്തിയിട്ടുണ്ട്.പദ്ധതിയുടെ ചിത്രങ്ങളും ശൈഖ് മുഹമ്മദ് പുറത്തുവിട്ടു. പദ്ധതി നടപ്പാക്കാൻ ഉദ്ദേശിക്കുന്ന സ്ഥലങ്ങളിൽ അദ്ദേഹം സന്ദർശനം നടത്തി.ആദ്യഘട്ടത്തിൽ ലെഹ്ബാബ്, അവീർ, ഫഖാ തുടങ്ങിയ മേഖലകളിലാണ് പദ്ധതി നടപ്പാക്കുന്നത്. 2216 ചതുരശ്ര കിലോമീറ്ററിലായി രിക്കും പദ്ധതി.നമുക്ക് വളരെ മനോഹരമായ ഒരു നഗരമു ണ്ടെന്നും അടുത്ത ലക്ഷ്യം ഗ്രാമങ്ങളെ മനോഹരമാക്കലാ ണെന്നും ശൈഖ് മുഹമ്മദ് ട്വീറ്റ് ചെയ്തു.ട്വിറ്ററിൽ പങ്കുവെച്ച ചിത്രങ്ങളിൽ ഹെലികോപ്ടറും പച്ചപ്പും മരുഭൂമിയും ഒട്ടകവും ബസുകളുമെല്ലാം കാണാം. കഴിഞ്ഞ മേയിലാണ് ഗ്രാമങ്ങളിലെ ടൂറിസം വികസന പദ്ധതി പ്രഖ്യാപിച്ചത്.കഴിഞ്ഞ വർഷം പ്രഖ്യാപിച്ച ദുബൈ അർബൻ മാസ്റ്റർ പ്ലാൻ-2040ലും ഗ്രാമവിക സനമുണ്ട്. ദുബൈയുടെ 60 ശതമാനവും പച്ചപുതപ്പിക്കാനാണ് ഈ പദ്ധതി.യു.എ.ഇയിലെ വിനോദസഞ്ചാരികളുടെ എണ്ണം അടുത്ത 10 വർഷത്തിനുള്ളിൽ 40 ദശലക്ഷമായി ഉയർത്തു മെന്ന് കഴിഞ്ഞ ദിവസം പ്രഖ്യാപിച്ചിരുന്നു. ഇതുവഴി 450 ശതകോടി ദിർഹമിന്‍റെ ജി.ഡി.പി വർധനയാണ് ലക്ഷ്യമിടു ന്നത്.ഗ്രാമീണ മേഖലയിലെ ടൂറിസം വികസനം ഇതിന് മുതൽക്കൂട്ടാവും.
No Comments
Leave a Comment
