ദുബായിൽ 34.4 കിലോമീറ്റർ റോഡ് പണി അവസാന ഘട്ടത്തിൽ
July 18, 2022
ദുബായിലെ 3 താമസ മേഖലകളെ പ്രധാന പാതകളുമായി ബന്ധിപ്പിക്കുന്ന 34.4 കിലോമീറ്റർ റോഡുകളുടെ നിർമാണം അന്തിമഘട്ടത്തിലേക്ക്. അൽഖൂസ് 2, നാദ് അൽ ഷെബ 2, അൽബർഷ സൗത്ത് 3 മേഖലകളിലെ റോഡ് നിർമാണം 60-70% പൂർത്തിയായതായി ആർടിഎ അറിയിച്ചു.വിവിധ മേഖലകളിലെ ഉപപാതകളുടെ നിർമാണം പുരോഗമിക്കുന്നു. അൽഖൂസ് 2ൽ ഡ്രയിനേജ് സംവിധാനങ്ങളോടെ നിർമിക്കുന്ന റോഡിന്റെ 70% പൂർത്തിയായി. നാദ് അൽ ഷെബ 2ൽ പാർക്കിങ്, ലൈറ്റിങ് സംവിധാനങ്ങളോടെ 12 കിലോമീറ്റർ റോഡാണ് നിർമിക്കുന്നത്.ദുബായ്-അൽഐൻ റോഡ്, നാദ് അൽ ഹമർ സ്ട്രീറ്റ്, അൽ മനാര സ്ട്രീറ്റ് എന്നിവിടങ്ങളിലേക്ക് എളുപ്പമെത്താനാകും. അൽ ബർഷ സൗത്ത് 3ൽ 6.4 കിലോമീറ്റർ പാതയുടെ 65% പൂർത്തിയായി. പാർക്കിങ്ങുകളും ബസ് സ്റ്റോപ്പുകളുമുണ്ട്. ഉംസുഖൈം സ്ട്രീറ്റ്, അൽബർഷ സൗത്ത് 2 എന്നിവിടങ്ങളിൽ വേഗമെത്താനാകും.
No Comments
Leave a Comment