ദുബായിൽ കനത്ത പൊടിക്കാറ്റ് : ദൂരക്കാഴ്ച കുറഞ്ഞതിനെ തുടർന്ന് 10 വിമാനങ്ങൾ വഴിതിരിച്ചുവിട്ടു
August 15, 2022
ദുബായിൽ മോശം കാലാവസ്ഥയെ തുടർന്ന് ദുബായ് ഇന്റർനാഷണൽ വിമാനത്താവളത്തിലെ ഫ്ലൈറ്റ് പ്രവർത്തനങ്ങൾ തടസ്സപ്പെട്ടു. 10 ഇൻബൗണ്ട് വിമാനങ്ങൾ ദുബായ് വേൾഡ് സെൻട്രലിലേക്കും (DWC) മറ്റ് അയൽ വിമാനത്താവളങ്ങളിലേക്കും വഴിതിരിച്ചുവിട്ടതായി എയർപോർട്ട് ഓപ്പറേറ്റർ പറഞ്ഞു.അബുദാബി, ദുബായ് അന്താരാഷ്ട്ര വിമാനത്താവളങ്ങളിൽ ദൃശ്യപരത 500 മീറ്ററിൽ താഴെയായി കുറഞ്ഞതായും നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു.“തടസ്സത്തിന്റെ ആഘാതം കുറയ്ക്കുന്നതിനും സാധാരണ പ്രവർത്തനങ്ങൾ എത്രയും വേഗം പുനഃസ്ഥാപിക്കുന്നതിനുമായി ദുബായ് എയർപോർട്ട്സ് എയർലൈനുകളുമായും തങ്ങളുടെ എല്ലാ സേവന പങ്കാളികളുമായും ചേർന്ന് പ്രവർത്തിക്കുന്നുണ്ടെന്നും, എന്തെങ്കിലും അസൗകര്യമുണ്ടായെങ്കിൽ തങ്ങളുടെ ഉപഭോക്താക്കളോട് ക്ഷമ ചോദിക്കുന്നുവെന്നും ,” എയർപോർട്ട് ഓപ്പറേറ്റർ പറഞ്ഞു.ചില പ്രദേശങ്ങളിൽ ദൃശ്യപരത 500 മീറ്ററിൽ താഴെയായി കുറഞ്ഞതിനാൽ ബുർജ് ഖലീഫ, ഐൻ ദുബായ് തുടങ്ങിയ പ്രമുഖ ലാൻഡ്മാർക്കുകൾ മറഞ്ഞിരുന്നു. അതേസമയം, യു എ ഇയിൽ ചില എമിറേറ്റുകളിൽ കനത്ത മഴ പെയ്യുകയും ചെയ്തു.
No Comments
Leave a Comment