ട്രാഫിക് നിയമങ്ങൾ കർശനമായി പാലിക്കണമെന്ന് ദുബായ് പോലീസ്
August 17, 2022
യു എ ഇയിലെ റോഡുകളിൽ വാഹനമോടിക്കുന്നവർ കൂടുതൽ ജാഗ്രത പാലിക്കണമെന്ന് അധികൃതർ .വാഹനങ്ങൾ ഒരുറോഡിൽനിന്ന് മറ്റൊരു റോഡിലേക്ക് ദിശ മാറുമ്പോഴുണ്ടാകുന്ന അശ്രദ്ധ, അതി വേഗത, മറ്റു വാഹനങ്ങളുമായി നിശ്ചിത അകലം പാലിക്കാതിരിക്കൽ, ഡ്രൈവിങ്ങിനിടെയുള്ള മൊബൈൽ ഫോൺ ഉപയോഗം എന്നിവയാണ് അപകടകാരണങ്ങളിൽ പ്രധാനമെന്ന് പോലീസ് ഓർമ്മിപ്പിച്ചു . ഡ്രൈവർമാർ കൃത്യമായി ഗതാഗതനിയമങ്ങൾ പാലിച്ചിരുന്നെങ്കിൽ അപകടങ്ങൾ ഒഴിവാക്കാമായിരുന്നെന്ന് ദുബായ് പോലീസിലെ ട്രാഫിക് ജനറൽ ഡയറക്ടറേറ്റിലെ ആക്ടിങ് ഡയറക്ടറായ കേണൽ ജുമ സലേം ബിൻ സുവൈദാൻ പറഞ്ഞു. അപകടങ്ങളും മരണങ്ങളും ഒഴിവാക്കുന്നതിനായി ട്രാഫിക് നിയമങ്ങൾ കർശനമായി പാലിക്കണമെന്നും അധികൃതർ ഓർമിപ്പിച്ചു.കഴിഞ്ഞ വെള്ളി, ശനി ദിവസങ്ങളിൽ ദുബായിലുണ്ടായ വ്യത്യസ്ത വാഹനാപകടങ്ങളിൽ രണ്ട് പേർ മരിക്കുകയും 14 പേർക്ക് പരിക്കേൽക്കുകയും ചെയ്തിരുന്നു . ഗതാഗത നിയമങ്ങൾ കൃത്യമായി പാലിക്കാത്തതുകാരണമാണ് അപകടങ്ങൾ സംഭവിച്ചതെന്ന് ദുബായ് പോലീസ് അറിയിച്ചു.വാരാന്ത്യത്തിൽ വ്യത്യസ്തങ്ങളായ ഏഴുവാഹനാപകടങ്ങൾ വേറെയും റിപ്പോർട്ട് ചെയ്തിരുന്നു
No Comments
Leave a Comment