ഗ്രീൻ വീസയ്ക്ക് സ്വന്തം സ്പോൺസർഷിപ്, കാലാവധി 5 വർഷം
March 16, 2023

യുഎഇയിൽ സ്വന്തം സ്പോൺസർഷിപ്പിൽ ബിസിനസും ജോലിയും ചെയ്യാൻ സാധിക്കുന്ന ഗ്രീൻ വീസയുടെ കൂടുതൽ വിശദാംശങ്ങൾ പുറത്ത്. സ്വദേശി സ്പോൺസറില്ലാതെ 5 വർഷം യുഎഇയിൽ തങ്ങാവുന്ന വീസയാണിത്. സംരംഭകർ, ഫ്രീലാൻസർ, വിദഗ്ധ തൊഴിലാളികൾ എന്നിവർക്കെല്ലാം അപേക്ഷിക്കാം. ആഗോള പ്രതിഭകളെയും നിക്ഷേപകരെയും യുഎഇയിലേക്കു ആകർഷിക്കുന്നതിന്റെ ഭാഗമായാണ് ഗ്രീൻ വീസ ഏർപ്പെടുത്തിയത്.വിദേശത്തുള്ളവർക്ക് യുഎഇയിലെത്തി നടപടിക്രമങ്ങൾ പൂർത്തിയാക്കുന്നതിന് 60 ദിവസത്തെ എൻട്രി പെർമിറ്റ് നൽകും. വിദേശ കമ്പനിയുടെ പേരിലാണ് യുഎഇയിൽ നിക്ഷേപിക്കുന്നതെങ്കിൽ വാണിജ്യ കമ്പനി നിയമം അനുസരിച്ചുള്ള നടപടികൾ പൂർത്തിയാക്കണം. പബ്ലിക് ഷെയർഹോൾഡിങ് കമ്പനി, പ്രൈവറ്റ് ജോയിന്റ് സ്റ്റോക്ക് കമ്പനി, ലിമിറ്റഡ് ലയബിലിറ്റി കമ്പനി എന്നിവയിൽ ഏതെങ്കിലും ഒന്നായി റജിസ്റ്റർ ചെയ്യണം. പങ്കാളിത്ത കമ്പനി 10 ലക്ഷം ദിർഹത്തിൽ കുറയാത്ത തുക നിക്ഷേപിക്കണം.പുതിയതും പഴയതുമായ കമ്പനിയിൽ നിക്ഷേപിക്കുകയാണെങ്കിലും 10 ലക്ഷം മൂലധനം ഉണ്ടാകണം. സമാന മാനദണ്ഡം പാലിക്കാത്തവരുടെ ഗ്രീൻ വീസ പുതുക്കില്ല. പകരം 2 വർഷത്തെ സാധാരണ വീസയാക്കി മാറ്റും. ഗ്രീൻ വീസ അപേക്ഷകരുടെ യുഎഇയിലെ നിക്ഷേപം സംബന്ധിച്ച തെളിവ് പ്രാദേശിക വകുപ്പിൽനിന്ന് ഹാജരാക്കണം
No Comments
Leave a Comment