കൃത്യനിർവഹണം; മികച്ച പ്രകടനവുമായി ദുബായ് പോലീസ്
November 25, 2022
കഴിഞ്ഞവർഷം അടിയന്തര സാഹചര്യങ്ങളോടുള്ള ശരാശരി പ്രതികരണ സമയം രണ്ടുമിനിറ്റും 34 സെക്കൻഡുമായി കുറയ്ക്കാൻ സാധിച്ചതായി പോലീസ് കമാൻഡ് ആൻഡ് കൺട്രോൾ സെന്റർ വെളിപ്പെടുത്തി. ആറ് മിനിറ്റായിരുന്നു ലക്ഷ്യം. കൂടാതെ 99.6 ശതമാനം അടിയന്തര കോളുകളോടും 10 സെക്കൻഡിനുള്ളിൽ പ്രതികരണം ഉറപ്പാക്കിയിട്ടുണ്ട്. ഓപ്പറേഷൻസ് ഡിപ്പാർട്ട്മെന്റ് നടത്തിയ വാർഷിക പരിശോധനയിലാണ് സ്ഥിതിവിവരകണക്കുകൾ പുറത്തുവിട്ടത്. പോലീസിന്റെ അടിയന്തര നമ്പറിലേക്ക് കഴിഞ്ഞവർഷം 53,84,317 കോളുകളാണ് ലഭിച്ചത്. ഇതേ കാലയളവിൽ അടിയന്തരമല്ലാത്ത 6,75,287 കോളുകളും കൈകാര്യംചെയ്തതായി ക്രിമിനൽ ഇൻവെസ്റ്റിഗേഷൻ അഫയേഴ്സ് അസിസ്റ്റന്റ് കമാൻഡർ ഇൻ ചീഫ് മേജർ ജനറൽ ഖലീൽ ഇബ്രാഹിം അൽ മൻസൂരി പറഞ്ഞു. നിർമിതബുദ്ധിയിൽ അധിഷ്ഠിതമായ പോലീസിന്റെ പുതിയ പദ്ധതിയായ ആർ.എ.എസ്.ഡി. അദ്ദേഹം വിശകലനംചെയ്തു. പോലീസിന്റെ 9,01,999 എന്നീ നമ്പറുകൾ തമ്മിലുള്ള വ്യത്യാസം പൊതുജനങ്ങൾ മനസ്സിലാക്കണമെന്നും 999 എന്ന നമ്പർ അടിയന്തര സാഹചര്യങ്ങളിൽമാത്രം ഉപയോഗിക്കണമെന്നും അൽ മൻസൂരി പറഞ്ഞു
No Comments
Leave a Comment