ഉച്ചവിശ്രമ നിയമം തെറ്റിച്ച ഒൻപത് കമ്പനികൾക്ക് പിഴ
August 12, 2022
യു.എ.ഇ. യുടെ ഉച്ച വിശ്രമനിയമം ലംഘിച്ച അബുദാബിയിലെ ഒൻപത് നിർമാണ സ്ഥാപനങ്ങൾക്ക് പിഴ ചുമത്തി. 155 സ്ഥാപനങ്ങൾക്ക് അധികൃതർ മുന്നറിയിപ്പ് നൽകുകയും ചെയ്തു.കൂടിയചൂടിൽ തൊഴിലാളികളെ ജോലിചെയ്യിക്കരുതെന്ന ഉച്ച വിശ്രമനിയമംജൂൺ 15 – മുതൽ പ്രാബല്യത്തിലുണ്ട് . നിയമം തെറ്റിക്കുന്ന സ്ഥാപനങ്ങൾക്ക് അരലക്ഷം ദിർഹംവരെ പിഴ ചുമത്തുമെന്ന് അധികൃതർ അറിയിച്ചിരുന്നു.അടുത്തിടെ ഉച്ചവിശ്രമം നൽകാത്ത 302 സ്ഥലങ്ങളിൽ നടത്തിയ പരിശോധനയിലാണ് നിയമലംഘനങ്ങൾ കണ്ടെത്തിയതെന്ന് അബുദാബി നഗരസഭാ അധികൃതർ പറഞ്ഞു.നിർമാണ സ്ഥാപനങ്ങൾ തൊഴിലാളികൾക്ക് നിർബന്ധമായും ഉച്ചവിശ്രമം അനുവദിക്കണം. കടുത്ത താപനിലയിൽ തീപ്പിടിത്തവുമായ്‌ ബന്ധപ്പെട്ട മുൻകരുതലുകൾ സ്വീകരിക്കണമെന്നും അബുദാബി നഗരസഭാ ഓർമിപ്പിച്ചു. നിർമാണ സ്ഥലങ്ങളിലുണ്ടാകുന്ന അപകടങ്ങളും പരിക്കുകളും കുറയ്ക്കുന്നതിനും തൊഴിലാളികളുടെ സുരക്ഷ ഉറപ്പാക്കാനും ഒട്ടേറെ പരിശോധനകളും ബോധവത്കരണ പ്രചാരണങ്ങളുൾപ്പെടുയുള്ള നടപടികളും നഗരസഭ നടത്തുന്നുണ്ട്. പാരിസ്ഥിതിക, ആരോഗ്യ സുരക്ഷാ നടപടികൾ പാലിക്കണമെന്ന് സ്ഥാപനങ്ങൾക്കും കർശന നിർദേശം നൽകി.യു.എ.ഇ. യിൽ ചൂട് ശക്തമായ സാഹചര്യത്തിൽ നിർമാണ സ്ഥലങ്ങൾ ഉൾപ്പെടയുള്ള തുറസ്സായ പ്രദേശങ്ങളിൽ ജോലിചെയ്യുന്ന തൊഴിലാളികൾക്കായി യു.എ.ഇ. മാനവവിഭവശേഷി സ്വദേശിവത്കരണ മന്ത്രാലയമാണ് ഉച്ചവിശ്രമം പ്രഖ്യാപിച്ചത്. ജൂൺ 15 – മുതൽ സെപ്റ്റംബർ 15 – വരെ മൂന്നുമാസത്തേക്കാണ് ഉച്ചവിശ്രമം . തൊഴിലാളികൾക്ക് സുരക്ഷിതത്വം ഉറപ്പാക്കാനും ഉയർന്ന താപനിലകാരണം അപകടസാധ്യതകളിൽനിന്ന് അവരെ സംരക്ഷിക്കാനുമാണ് ഈ നിർബന്ധിത നിയമത്തിന്റെ ലക്ഷ്യം. നിയമം ലംഘിക്കുന്നതായി ശ്രദ്ധയിൽപെട്ടാൽ 600590000 എന്ന നമ്പറിൽ വിളിച്ച് പരാതികൾ രേഖപ്പെടുത്താം.
No Comments
Leave a Comment
