അവധിക്കാല തിരക്കിൽ വിമാനത്താവളങ്ങൾ
July 5, 2022
യു എ ഇയിൽ അവധിക്കാലമെത്തിയതോടെ നാട്ടിൽ പോകാനും ബലിപെരുന്നാൾ ആഘോഷിക്കാനും യാത്രയാകുന്നവരുടെ എണ്ണം കൂടിയതോടെ വിമാനത്താവളങ്ങളിൽ നിർദേശവുമായി അധികൃതർ. യാത്രക്കാരുടെ നിര വിമാനത്താവളത്തിന് പുറത്തേക്കും നീണ്ടതോടെ പലർക്കും സമയത്തിന് അകത്തുകടക്കാനായില്ല. പലർക്കും യാത്ര മുടങ്ങുമോ എന്ന ആശങ്കയുണ്ടായി.
അവധിക്കാലത്ത് 27 ലക്ഷം പേർ അബുദാബി രാജ്യാന്തര വിമാനത്താവളം വഴി യാത്ര ചെയ്യുമെന്നാണ് പ്രതീക്ഷ. ഇതേസമയം ജൂൺ, ജൂലൈ മാസങ്ങളിൽ എമിറേറ്റ്സിൽ മാത്രം 5.5 ലക്ഷം പേർ ദുബായിൽനിന്ന് യാത്ര ചെയ്യും. മറ്റു എയർലൈനുകളിലെ യാത്രക്കാർ ഉൾപ്പെടെ 30 ലക്ഷത്തിലേറെ വരുമെന്നാണ് സൂചന.കോവിഡ് മൂലം കഴിഞ്ഞ 2 വർഷം യാത്ര ചെയ്യാത്തവർ കൂടി ഇത്തവണ മുന്നോട്ടുവന്നതാണ് തിരക്കു കൂടാൻ കാരണം. ഇതേ തുടർന്ന് യാത്രയ്ക്ക് 6/4 മണിക്കൂർ മുൻപുവരെ ചെക്–ഇൻ സൗകര്യം ഏർപ്പെടുത്തിയിരിക്കുകയാണ് വിവിധ എയർലൈനുകൾ.യാത്ര മുടങ്ങാതിരിക്കാൻ 4 മണിക്കൂർ മുൻപെങ്കിലും വിമാനത്താവളത്തിൽ എത്തണമെന്ന് യാത്രക്കാർക്ക് വിവിധ എയർലൈനുകൾനിർദേശം നൽകി. പലർക്കും സമയത്തിന് ചെക്–ഇൻ ചെയ്യാൻ സാധിക്കാതെ വന്ന പശ്ചാത്തലത്തിലാണ് നിർദേശം. സിറ്റി ചെക്–ഇൻ, ഓൺലൈൻ ചെക്–ഇൻ, സെൽഫ് ചെക്–ഇൻ, ഏർലി ചെക്–ഇൻ, ഹോം ചെക്–ഇൻ തുടങ്ങി ലഭ്യമായ ഒട്ടേറെ സേവനം ഉപയോഗിച്ചാൽ നടപടിക്രമങ്ങളും എയർപോർട്ടിലെ തിരക്കും കുറയ്ക്കാം. ഈ സേവനങ്ങളിൽ ഏതു സ്വകരിച്ചാലും നേരത്തെ ലഗേജ് നൽകി ബോഡിങ് പാസ് ലഭിക്കുന്നതോടെ ക്യൂ നിൽക്കാതെ എമിഗ്രേഷനിലേക്കു പോകാം. ഗെറ്റ് വെരിഫൈഡ് ടു ഫ്ലൈ എന്ന അതിവേഗ സേവനവും ഉപയോഗിക്കാം.വിവിധ വിമാന കമ്പനികളുടെ മൊബൈൽ ആപ്പുകളിൽ വിമാനത്തിന്റെ സമയമാറ്റം അറിയാം. ബോഡിങ് പാസ് ഡൗൺലോഡ് എടുക്കുക, ഇഷ്ടപ്പെട്ട സീറ്റ് തിരഞ്ഞെടുക്കുക, ഭക്ഷണം മുൻകൂട്ടി ബുക്ക് ചെയ്യുക തുടങ്ങിയ സേവനവും ഇതിലുണ്ട്.
No Comments
Leave a Comment
