അബൂദബിയില് ഒമ്പത് ചാര്ട്ടര് സ്കൂളുകള് സെപ്റ്റംബറില് തുറക്കും
July 29, 2022
അബൂദബിയില് 2022-2023 അക്കാദമിക് വര്ഷത്തിന്റെ തുടക്കത്തോടെ സെപ്റ്റംബറില് ഒമ്പത് ചാര്ട്ടര് സ്കൂളുകള് തുറക്കുന്നു. ഇവിടെ ആകെ 12,000 വിദ്യാര്ഥികള്ക്ക് പഠിക്കാനാവും. വിവിധ വിഭാഗങ്ങളിലായി 139 സ്വദേശികള്ക്ക് ഈ സ്കൂളുകളില് ജോലി ലഭിക്കും.സര്ക്കാര് കെട്ടിടം നിര്മിക്കുകയും സ്വകാര്യ പങ്കാളിക്ക് നടത്തിപ്പിന് കൊടുക്കുകയും ചെയ്യുന്ന പൊതു-സ്വകാര്യ മാതൃകയിലാവും ചാര്ട്ടര് സ്കൂളുകളും പ്രവര്ത്തിക്കുക. ഈ സ്കൂളുകളില് സ്വദേശി വിദ്യാര്ഥികള്ക്ക് പഠനം സൗജന്യമാണ്. താമസകേന്ദ്രങ്ങള്ക്ക് അടുത്തുള്ള സ്കൂളുകള് ഇവര്ക്ക് പഠനത്തിനായി തെരഞ്ഞെടുക്കാനാവും. നിലവില് അബൂദബിയില് 15 ചാര്ട്ടര് സ്കൂളും അല്ഐനില് ഏഴ് ചാര്ട്ടര് സ്കൂളുമുണ്ട്. ഈ സ്കൂളുകളിലായി 30,198 ഇമാറാത്തി വിദ്യാര്ഥികളാണ് പഠിക്കുന്നത്. അതേസമയം പുതുതായി പ്രഖ്യാപിച്ച ചാര്ട്ടര് സ്കൂളുകള് എവിടെയൊക്കെയാണ് തുടങ്ങുകയെന്ന വിവരം അധികൃതര് പുറത്തുവിട്ടിട്ടില്ല.സായിദ് സിറ്റിയില് മൂന്ന് പുതിയ ചാര്ട്ടര് സ്കൂളുകള് തുറക്കുമെന്ന് അധികൃതര് അറിയിച്ചിരുന്നു. 2024 സെപ്റ്റംബറോടെ പ്രവര്ത്തനം തുടങ്ങുന്ന ഈ സ്കൂളുകളില് 5360 കുട്ടികളെ പ്രവേശിപ്പിക്കാനാവും.അതേസമയം, വരുന്ന അധ്യയനവര്ഷം മുതല് വീടുകള്ക്കു സമീപമുള്ള സര്ക്കാര് സ്കൂളുകളില് ചേര്ന്നുപഠിക്കാന് സ്വദേശികളുടെയും അര്ഹരായ പ്രവാസികളുടെയും മക്കള്ക്ക് അവസരമൊരുക്കുമെന്ന് എമിറേറ്റ്സ് സ്കൂള്സ് എസ്റ്റാബ്ലിഷ്മെന്റ് അറിയിച്ചിരുന്നു
No Comments
Leave a Comment